以下是自己作為 保險用家 意見 ... 並非 保險從業員 賣廣告 ...
好多人都儲錢 "上車" ... 買樓 ... 但近年再次發現信吾過 ... 因為樓會成為 負資產。
如果近幾年有大病 ... 樓又成為 負資產 ... 加按 ... 無財仔接手 ... 賣 ... 更加要貼錢 ... 簡單講 ... 樓 ... 根本幫吾到你解決 即時醫病所需 ...
保險 ... 雖然不是全部都 出院免找數 ... 但只要跟足 保險公司 程序，跟足 醫療方案 ... 大部份的開支都可以 索賠成功 ... 賠吾足 ... 一般都係出於超出 保障範圍 ... 簡單講 ... 買得大賠得更足 ... 賠得更多 ... 對於產品細節 ... 請向保險公司、保險從業員 查詢，但一切以你簽名的文件為準 ... 所以 ... 簽之前，問多D ... 自己亦要睇一次文件才簽名。
個人保險 大致分為以下:
- 人壽 ... 死才有得賠 ... 即係幫後人、家人 ... 吾係幫你自己，例如 家庭經濟支柱死後，可以有筆錢畀家人贖樓，咁家人就吾使擔心無錢供樓。
- 意外 ... 簡單 ... 發生意外才賠 ... 例如因發生意外斷手斷腳 ... 乘坐公交時受傷 ...
- 醫療 ... 例如香港的 自願醫保 ... 一般都無儲蓄成份，實報賁銷 ... 即係無 索賠過，亦都係一毫子都無得攞返，就算有索賠 ... 都吾會畀多一毫子你落袋。咁買嚟做乜? ... 醫保 ... 一般不會理你乜病 ... 總之 ... 醫生話你有事 ... 尤其是需要入醫院處理既情況 ... 就可以索賠 ... 甚至有些醫療程序 ... 在日間醫療中心都可以索賠 ... 當然最終睇保單點寫。所以有人想做身體檢查 ... 只要有醫生證明你有需要 ... 安排入院 ... 住夠時間 ... 都有機會索賠成功 ... 所以進行任何治療、檢查前 ... 先向 保險公司 "打過招呼" ... 確認一下就較穩陣 ... 以免做完無得賠。有些 醫保 更加係 出院免找數，但保費會較高 ... 入院前亦有更多手續要預先安排 ... 例如要去指定醫院 ... 因保險公司需要預先跟醫院、醫生 商討你既情況和醫療程序才會預先批錢，咁就可以出院免找數。
- 危疾 ... 一般都寫得好仔細 ... 必定要中寫明既 病症 才有得賠，例如 最普遍的癌症 ... 當中保單包括邊幾種癌症呢 ?買前一定要了解清楚 ... 吾好見保費平就買 ... 另外醫生份報告亦好重要，醫生寫病症名稱 吾符合保單都可以無得賠 ... 但放心 ... 你畀份 claim form 醫生，醫生就知點寫 ... 正常都 claim 到，除非你份保單真係無包括該病症。危疾單亦有分2種，一種如醫保實報實銷，另一種買得大賠得大，一確診，保險公司收齊醫療報告，就即賠出，錢吾會理你點用 ... 即係 ... 你用該筆錢去外國醫病都得，用測試中既藥 / 方法醫病都得 (當然要問清楚之後會否影響其他醫療程序索賠) ... 如醫生話你只得半年命 ... 你用筆錢去旅行都一樣得。
- 旅遊 ... 香港以外地方發生意外時可以有個保障，特別是外地醫療開支 和 需要醫療專機運送回港既開支。至於 行程延誤、行李損失 ... 講真 ... 根本不是為了這些少損失買旅遊保險，只可以算是贈品 ... 因為萬一需要醫療開支 ... 只是 醫療專機運送 已經可以過百萬港元 ... ... 而且無保險公司幫你安排，根本吾知點搞。
此外，保險 亦有分:
- Terms (定期保險，正常可以不斷續保)
- 供某個年數後不用供，例如供20年，保單有效至100歲。
- 供至 100歲，保單有效至100歲
- 有儲蓄成份(有事索賠，無事當儲錢退休)
- 有投資成份 (其實是買投資基金為實，保障只是名義上給你保單現金價值外加某百份比，通常1%，所以叫 101保單，但如果基金表現差 ... 價值真係可以變成零)
有儲蓄成份的保單有些甚至有 Bonus，例如供滿5期派一筆錢入該戶口 ... 全單供滿又派 Bonus ... 甚至可以不影響保障下把款項提走 ... 這類保單，保費是超高。
總之 ... 保險 買既係 開心錢 ... 有病醫病、無病供了出去既錢都應該吾會傷心 ... 如果買了 有儲蓄成份的保單 ... 無病就更加吾使講 ... 退休有筆錢去玩 ... ... 保險 可以係有需要時有得用 ... 吾需要理會當時經濟環境 ... ... 吾需要急於賤賣資產。
最後 ... 買保單吾好單單比較保費 ... 真係要比較，一定要比較埋受保範圍。
